فرمان الہی
نماز کے اوقات
پشاور (اے ایف پی) خیبر پختونخوا کے ضلع کرم میں سکیورٹی چیک پوسٹ پر کالعدم ٹی ٹی پی کے حملے میں کم از کم چار اہلکار شہید اور 7زخمی ہو گئے۔افغانستان کی سرحد پر واقع ضلع کرم میں حالیہ برسوں میں تشدد میں اضافہ دیکھا گیا ہے۔ایک پولیس اہلکار نے نام ظاہر نہ کرنے کی شرط پر خبر رساں ادارے اے ایف پی کو بتایا کہ بھاری ہتھیاروں سے لیس عسکریت پسندوں نے اتوار کی صبح یہ حملہ کیا۔انہوں نے کہا کہ کم از کم چار سکیورٹی اہلکار شہید اور 7 دیگر زخمی ہوئے ہیں۔اگست 2021 میں کابل میں افغان طالبان کے اقتدار میں آنے کے بعد سے پاکستان میں دہشت گرد حملوں میں اضافہ ہوا ہے۔ تحریک طالبان پاکستان شمال مغربی خطے میں سب سے زیادہ فعال عسکریت پسند گروپ ہے اور باقاعدگی سے سکیورٹی فورسز کو نشانہ بناتا ہے۔اسلام آباد کابل کے حکمرانوں پر الزام عائد کرتا ہے کہ وہ افغان سرزمین پر پناہ لینے والے عسکریت پسندوں کو جڑ سے اکھاڑ پھینکنے میں ناکام رہے ہیں کیونکہ وہ وہاں سے پاکستان پر حملے کرنے کی تیاری کرتے ہیں۔
