فرمان الہی
نماز کے اوقات
اسلام آباد (خالد مصطفیٰ) پاکستان میں بجلی کی پیداواری صلاحیت میں اضافہ ہوا استعمال میں 3.6 فیصد کمی آئی۔ اقتصادی سروے کے مطابق نیٹ میٹرنگ کے تحت 2,813 میگاواٹ کی تنصیب ہوئی، جبکہ حکومت نے کئی آئی پی پیز کے معاہدے ختم کر دئیے۔توانائی کے ذرائع میں تھرمل کا حصہ 55.7 فیصد، ہائیڈل 24.4 فیصد، نیوکلیئر 7.8 فیصد، اور قابل تجدید توانائی 12.2 فیصد رہا۔مالی سال 2025 کے جولائی تا مارچ کے دوران ملک کی بجلی پیدا کرنے کی نصب شدہ صلاحیت 1.6 فیصد اضافے سے 46,605 میگاواٹ ہو گئی، مگر بجلی کا استعمال 3.6 فیصد کمی کے ساتھ 80,111 گیگا واٹ گھنٹے رہا۔ کل بجلی پیداوار کا 53.7 فیصد حصہ مقامی اور ماحول دوست ذرائع سے حاصل ہوا۔گھریلو صارفین کا بجلی میں حصہ بڑھ کر 49.6 فیصد ہو گیا، جبکہ صنعتی اور زرعی شعبے میں بجلی کا استعمال کم ہوا۔ زرعی شعبے میں 34.3 فیصد کمی ہوئی، جب کہ کمرشل شعبے میں معمولی اضافہ دیکھنے میں آیا۔
