فرمان الہی
نماز کے اوقات
شارجہ (نمائندہ خصوصی) انٹرنیشنل کرکٹ کونسل نے اس ماہ بھارت اور سری لنکا میں ہونے والے ویمنز ون ڈے ورلڈ کپ کیلئے ریکارڈ 13.88 ملین ڈالر(پاکستانی روپوں میں 3.928 ارب روپے) کی انعامی رقم کا اعلان کردیا ۔ رقم میں 297 فیصد کا اضافہ کیا گیا ہے۔ 2022 میں ویمنز ورلڈکپ کی انعامی رقم3.5 ملین ڈالر رکھی گئی تھی، فاتح ٹیم کو 4.48 ملین ڈالر کی انعامی رقم ملے گی جوگزشتہ ورلڈکپ میں 1.32 ملین ڈالرتھی۔ رنر اپ ٹیم کو 2.24 جبکہ سیمی فائنل ہارنے والی ٹیم کو1.12 ملین ڈالر ملیں گے۔ ورلڈکپ ٹیم میں شریک ہر ٹیم کو 2 لاکھ 50 ہزار ڈالر کی رقم ملے گی۔ گروپ اسٹیج کے ہر میچ کی جیت پر 34 ہزار314 ڈالر کی انعامی رقم رکھی گئی ہے۔ آٹھ ٹیموں پر مشتمل یہ مقابلہ بھارت اور سری لنکا کے مشترکہ میزبانی میں 30 ستمبر سے شروع ہوگا۔ پانچویں اور چھٹی پوزیشن والی ٹیم کو 7 لاکھ جبکہ ساتویں اور آٹھویں پوزیشن والی ٹیم کو 2 لاکھ 80 ہزار ڈالر ملیں گے۔
