فرمان الہی
نماز کے اوقات
اسلام آ باد ( رانا غلام قادر)وزیرِ اعظم محمد شہباز شریف کا ملک میں سیلابی صورتحال کے پیش نظر عوامی ریلیف کیلئے بڑا اقدام اٹھایا ہے۔وزیرِ اعظم نے بجلی کی تقسیم کار کمپنیوں کو سیلاب زدہ علاقوں میں صارفین سے اگست 2025 کے بجلی کے بلوں کی وصولی سے فوری طور پر روک دی ہے۔ یہ فیصلہ وزیرِ اعظم کی زیرِ صدارت متاثرہ علاقوں میں بجلی کے بِلّوں کے حوالے سے بلائے گئے اہم اجلاس میں کیا گیا جو ہفتہ کے روز لاہور میں ہوا۔وزیر اعظم آفس سے جاری اعلامیہ کے مطا بق وزیرِ اعظم نے کہا ہے کہ آئی ایم ایف کے ساتھ معاملات طے پانے کے بعد متاثرہ علاقوں کیلئے بجلی کے بلوں کے حوالے سے تفصیلی پیکیج کا حتمی اعلان کیا جائے گا۔ وزیر اعظم نے ہدایت کی ہے کہ جن سیلاب متاثرہ صارفین سے اگست 2025 کا بجلی کا بل وصول کیا جا چکا ہے وہ آئندہ ماہ ایڈجسٹ کردیا جائے ۔وزیرِ اعظم نے کہا ہے کہ سیلاب نے پورے پاکستان میں لاکھوں لوگوں کو متاثر کیا ہے۔ انہوں نے کہا کہ مشکل کے اس وقت میں عوام کے دکھوں پر مرہم رکھنے کی ہر ممکن کوشش کر رہے ہیں۔ وزیرِ اعظم نے کہا کہ متاثرین کے ریسکیو و بحالی کیلئے وفاقی و صوبائی ادارے اپنی تمام تر کوششیں کر رہے ہیں اور جب تک سیلاب متاثرین اپنے گھروں میں واپس نہیں چلے جاتے ہم چین سے نہیں بیٹھیں گے۔ناصر چشتی کی رپورٹ کے مطابق جوفاقی وزیر پاور ڈویژن سردار اویس احمد خان لغاری نے کہا ہے سیلاب متاثرہ علاقوں میں اگست کے بجلی بل معاف کر دیے گئے ہیں ،زیرِ اعظم شہباز شریف کے بروقت اور عوام دوست فیصلے پر شکر گزار ہوں جمع شدہ رقوم واپس ہوں گی۔وفاقی وزیر نے ہدایت کی ہے کہ پاور ڈویژن اس پر فوری عملدرآمد یقینی بنائے گا۔
