فرمان الہی
نماز کے اوقات
کراچی ( اسٹاف رپورٹر) سندھ میں پولیو قطرے پلانے سے انکار کرنے والے والدین کیخلاف کارروائی پر غور، شناختی کارڈز، موبائل سم اور پاسپورٹ بلاک کرنے کا منصوبہ، وزیراعلیٰ ہاؤس میں پولیو ویکسین انکار سیل قائم کرنے کا فیصلہ، تفصیلات کے مطابق وزیراعلیٰ سندھ سید مراد علی شاہ نے اعلان کیا ہے کہ ایسے والدین کے خلاف سخت اقدامات کئے جائیں گے جو اپنے بچوں کو پولیو کے قطرے پلانے سے انکار کرتے ہیں جن میں ان کے موبائل فون کی سمز بند کرنا، قومی شناختی کارڈ اور پاسپورٹ معطل کرنا شامل ہے تاکہ وہ مواصلاتی اور سفری سہولتوں سے محروم رہیں۔وزیراعلیٰ نے جمعہ کو وزیراعلیٰ ہاؤس میں پولیو کے خاتمے سے متعلق اجلاس کی صدارت کرتے ہوئے کہا کہ میرے پاس کوئی دوسرا راستہ نہیں بچا، سوائے اس کے کہ ان لوگوں کو سزا دوں جو پولیو کے خاتمے کی اپنی قومی ذمہ داری سے پہلو تہی کرتے ہیں۔مراد علی شاہ نے وزیراعلیٰ ہاؤس میں پولیو ویکسین انکار سیل قائم کرنے کا حکم دیا۔
