فرمان الہی
نماز کے اوقات
کراچی /لاہور( این این آئی)ملک میں پیٹرولیم مصنوعات کی قلت کے بحران کا خدشہ عارضی طور پر ٹل گیا۔سندھ حکومت نے 15دن کیلئے پی ایس او کو تیل بغیر بینک گارنٹی کلیئر کرانے کی اجازت دے دی۔ سندھ حکومت نے پی ایس او کا ایک جہاز پرانے طریق کار انڈرٹیکنگ پر کلیئر کردیا۔ پی ایس او کے ساتھ دیگر آئل کمپنیز کے جہاز بھی 15دن کیلئے بغیر بینک گارنٹی کلیئر ہونے کی توقع ہے۔آئل مارکیٹنگ کمپنیز کے مطابق انفرااسٹرکچر ڈویلپمنٹ سیس کا معاملہ سپریم کورٹ میں ہے، بینک گارنٹی کی صورت میں آئل کمپنیز کا کیش فلو بری طرح متاثر ہوگا۔ آئل کمپنیز نے اس حوالے سے وفاق اور سندھ حکومت کو بھی خطوط ارسال کئے تھے۔ انفرا اسٹرکچر ڈویلپمنٹ سیس کا عوام پر بوجھ تین روپے فی لیٹر تک پڑے گا۔سندھ ایکسائز ڈیارٹمنٹ نے آئل مارکیٹنگ کمپنیز بینک گارنٹی جمع کرانے کیلئے دوسراخط لکھ دیا۔ خط میں پیٹرولیم کمپنیوں کو انڈرٹیکنگ کی بجائے بینک گارنٹی جمع کرانے کی ہدایت کی گئی ہے۔
