• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ای چالان کا نظام بے قابو، شہری کو ایک ہی روز میں 4چالان اور پھر ایک اور چالان موصول ہوگیا

آج کا اخبار
اہم خبریں
06 نومبر ، 2025
کراچی( اسٹاف رپورٹر )شہر میں ای چالان کا نظام بے قابو ہو گیا، شہری کو ایک ہی روز میں 4 چالان اور پھر ایک اور چالان موصول ہو گیا۔حکیم اللہ نامی شہری پانچ چالان ملنے پر پریشان ہو گیا۔شہری کے مطابق پانچوں چالان 30 اکتوبر کو کیے گئے ۔تین چالان ایک ہی مقام پر ہوئے جبکہ دو دوسرے مقام پر ہوئے۔ پہلے تین چالان 12:03 منٹ پر ماڑی پور میں ہوئے ،چوتھا اور پانچواں چالان 12:13 منٹ پر حسن اسکوائر پر ہوا ۔تمام چالان سیٹ بیلٹ نہ پہنے پر کیے گئے ۔موصول شدہ چالان پر تاریخ دیکھی جاسکتی ہے۔50 ہزار کے چالان موصول ہونے پر شہری نے سر پکڑ لیا ۔دوسری جانب ٹریفک پولیس کا کہنا ہے کہ شہری سے رابطہ ہو گیا ہے اور اسے سہولت سینٹر جانے کا کہا گیا ہے۔پولیس کے مطابق یہ چالان ویوو ہو جائیں گے اور چونکہ ان کا پہلا چالان تھا اس لیے وہ بھی معاف ہو جائے گا۔
اہم خبریں سے مزید