فرمان الہی
نماز کے اوقات
کراچی ( اسٹاف رپورٹر ) جوڈیشل مجسٹریٹ جنوبی نے پولیس حراست میں نوجوان عرفان کی ہلاکت کے مقدمے میں ملزمان کے جسمانی ریمانڈ میں 2 روز کی توسیع کردی، تفتیشی افسر نے کہا کہ ملزمان سے تفتیش کی روشنی میں مفرور ملزمان کو گرفتار کرنا ہے، عدالت نے تفتیشی افسر پر اظہار برہمی کرتے ہوئے ریمارکس دیئے کہ ایس آئی یو کے ایس ایچ او کو ملزم کیوں نہیں بنایا گیا ہے؟ ایس ایچ او بھی تو ایس آئی یو کی عمارت میں موجود تھا، کیا ماتحت اہلکاروں کے اقدامات سے ایس ایچ او لاعلم تھا؟ درخواست گزار کے وکیل نے کہا کہ سی سی ٹی وی فوٹیج میں ایس ایچ او بھی ساتھ نظر آرہا ہے، عدالت نے ریمارکس دیئے کہ ایس ایچ او کے علم میں آئے بغیر ایسا کیسے ہوسکتا ہے، بظاہر ایسا لگ رہا ہے کہ بڑے افسر کو بچایا جارہا ہے، عدالت نے ڈائریکٹر ایف آئی اے کو آئندہ سماعت پر طلب کرتے ہوئے ملزمان عابد شاہ اور آصف کے جسمانی ریمانڈ میں 2 روز کی توسیع کردی۔
