فرمان الہی
نماز کے اوقات
اسلام آباد( رپورٹ:،رانامسعود حسین) اسلام آباد ہائیکورٹ کے ججز نے انٹرا کورٹ اپیل کی آئینی عدالت میں سماعت چیلنج کردی ،چیف جسٹس امین الدین خان کی سربراہی میں6رکنی لارجر بینچ پیر 24 نومبر کوانٹرا کورٹ اپیل کی سماعت کرے گا،آئین میں ترمیم کا اختیار عدلیہ کو ختم کرنے کیلئے استعمال نہیں کیا جاسکتا،انٹرا کورٹ اپیل کو سپریم کورٹ کو واپس بھجوانے کی استدعا،متاثرججوں نے انٹرا کورٹ اپیل کو سپریم کورٹ کو واپس بھجوانے کی استدعا کرتے ہوئے موقف اختیا رکیا ہے کہ آئین میں ترمیم کا اختیار عدلیہ کو ختم کرنے کیلئے استعمال نہیں کیا جاسکتا۔دوسری جانب چیف جسٹس امین الدین خان کی سربراہی میں 6 رکنی لارجر بینچ پیر 24 نومبر کو دن ساڑھے 11 بجے انٹرا کورٹ اپیل کی سماعت کرے گا، بینچ کے دیگر ارکان میں جسٹس حسن اظہر رضوی، جسٹس باقر نجفی، جسٹس کے کے آغا، جسٹس روزی خان اور جسٹس ارشد حسین شاہ شامل ہیں ،ادھر تین ججوں کے اسلام آباد ہائیکورٹ تبادلوں کے خلاف 5 متاثرہ ججوں کی جانب سے سپریم کوٹ کے فیصلے کے خلاف دائر انٹرا کورٹ اپیل کی سپریم کورٹ کی بجائے وفاقی آئینی عدالت میں سماعت مقرر کرنے کے پروفاقی آئینی عدالت میں دائر درخواست میں موقف اختیار کیا گیا ہے کہ ا ن کی انٹرا کورٹ اپیل کو27ویں آئینی ترمیم کی وجہ سے سپریم کورٹ سے آئینی عدالت کومنتقل کیا گیا ،27 ویں ترمیم آئین کے خلاف ہے ،مقننہ،انتظامیہ اور عدلیہ 1973 کے آئین کے تحت قائم ریاست کے 3ستون ہیں ،آئین میں اختیارات کی تقسیم اور حدودبھی واضح ہیں۔
