فرمان الہی
نماز کے اوقات
کراچی( رپورٹ/ اختر علی اختر) راحت فتح علی کی بیٹی ماہین خان کی مایوں کی تصاویر وائرل ، لاہور میں منعقدہ اس خُوبصورت تقریب میں قریبی رشتے داروں نے شرکت کی، 26 دسمبرکو منعقدہ شادی کی تقریب و رخصتی میں اہم شخصیات کی شرکت متوقع ہے۔ تفصیلات کے مطابق عالمی شہرت یافتہ گائیک استاد راحت فتح علی خان کی بیٹی ماہین خان کی مایوں تقریب سوشل میڈیا پر وائرل ہوگئی،جمعہ کونکاح ہوا اور26 دسمبر کو شادی اور رخصتی ہوگی۔ عالمی شہرت یافتہ گائیک کی بیٹی کی شادی کی تقریبات کا باقاعدہ آغاز ہوگیا۔ ان دنوں پاکستان کے نامور گلوکاراستاد راحت فتح علی خان کے گھر خوشیوں نے ڈیرے ڈال لیے ہیں، جہاں ان کی بیٹی ماہین خان کی شادی کی تقریبات کا آغاز روایتی اور رنگا رنگ مایوں کی تقریب سے ہوا۔ یہ خُوبصورت تقریب لاہور میں منعقد ہوئی، جس میں قریبی رشتے داروں اور اہلِ خانہ نے شرکت کی۔ تقریب کا ماحول محبت، خاندانی قربت اور ثقافتی روایات سے بھرپور تھا، جس نے شائقین موسیقی کو استاد راحت فتح علی خان کی ذاتی زندگی کی ایک نایاب جھلک دکھائی دی۔ ماہین خان اپنی منگنی شدہ زندگی کے نئے سفر کے آغاز پر مرکزِ نگاہ رہیں، جبکہ ان کے ہونے والے شوہر شایان بھی ان کے ہمراہ موجود تھے۔ دونوں کے درمیان محبت اور ہم آہنگی تقریب کے دوران نمایاں نظر آئی۔مایوں کے موقع پر ماہین نے خُوبصورت سنہری لہنگا زیب تن کیا، جس میں وہ نہایت دلکش دکھائی دیں، جبکہ شایان نے بھی روایتی لباس میں ان کا بھرپور ساتھ دیا۔ یہ جوڑا روایت، محبت اور خوشی کی علامت بن کر ابھرا۔
