• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سندھ بھر میں نجی تعلیمی اداروں کے خلاف ضابطہ جاتی کارروائی میں تیزی

آج کا اخبار
اہم خبریں
24 دسمبر ، 2025
کراچی(اسٹاف رپورٹر) سندھ بھر میں نجی تعلیمی اداروں کے خلاف ضابطہ جاتی کارروائی مزید تیز کر دی گئی ہے۔ ایڈیشنل ڈائریکٹر پروفیسر رفیعہ ملاح کے مطابق ڈائریکٹوریٹ آف انسپیکشن اینڈ رجسٹریشن آف پرائیویٹ انسٹی ٹیوشنز، سندھ نے پرائیویٹ ایجوکیشن ایکٹ 2013 کے تحت کارروائی کرتے ہوئے مختلف خلاف ورزیوں پر 33 نجی اسکولوں کی رجسٹریشن منسوخ جبکہ 10 اسکولوں پر جرمانے عائد کر دیئے ہیں۔ گیلینٹ فاؤنڈیشن اسکول گلشن حدید فیز ٹو ، کراچی، میٹرو پولیٹن اسکول فیڈرل بی ایریا بلاک 13 اور میٹرو پولیٹن اسکول فیڈرل بی ایریا بلاک 20 کی رجسٹریشن کو معطل کر دیا گیا ہے ان اسکولوں نے طلبہ کو 10 فیصد کوٹہ سے کم تعداد میں فری شپ دی اور زیادہ تر طلبہ کو فیس میں رعایت فراہم کی۔ رفیعہ ملاح مطابق یہ کارروائی درخواست نمبر 1592/2025 پر 19 اکتوبر کو جاری کئے گئے فیصلے کی روشنی میں کی گئی۔
اہم خبریں سے مزید