فرمان الہی
نماز کے اوقات
کراچی (شکیل یامین کانگا /اسٹاف رپورٹر) شان نعمت نے سیڈ ایان مارک جان کو شکست دیکر گولڈن جوبلی قومی اسنوکر چیمپئن شپ کا بڑا اپ سیٹ کردیا ،تین مرتبہ کے عالمی چیمپئن محمد آصف کی ایونٹ میں شاندار کارکردگی کا سلسلہ جاری ہے ، انہوں نے ابتدائی راؤنڈمیں تیسری بار دو سنچری بریک لگادیئے۔ اس کے ساتھ ہی چیمپئن شپ میں پری کوارٹر فائنل کی لائن بھی مکمل ہوگئی۔ این بی پی اسپورٹس کمپلیکس کلفٹن پر جاری چیمپئن شپ میں پیر کو پری کوارٹر فائنل میچز کھیلے جائیں گے جن میں رانا عرفان( پنجاب ) کا آکاش رفیق، علی حمزہ (سندھ) کا اویس منیر (پنجاب)، اسجد اقبال کا شان نعمت، احسن رمضان (پنجاب) کا عبدالستار (سندھ)،شاہد آفتاب (پنجاب) کا محمد آصف، احمر طارق (پنجاب)کا محمد سجاد ،مبشر رضا (پنجاب) کا عبدالجاوید (اسلام اباد)، حسنین اختر کا سہیل شہزاد (سندھ) سے مقابلہ ہوگا۔ قبل ازیں میچز میں شان نعمت نے سیڈ ایان مارک جان کو2-4 سے شکست دے کر اپ سیٹ کیا۔ لاسٹ 24 راؤنڈ میں کے پی کے کےآکاش رفیق نے اپنے ہی صوبے کے مدثر یعقوب کو 0-4، اویس منیر (پنجاب) نے زیب خان (بلوچستان)کو 2-4، شان نعمت (اسلام آباد) نے ایان مارک جان (سندھ) کو2-4، عبدالستار (سندھ) نے اپنے صوبے کے محمد فیضان کو0-4،محمد آصف (این بی پی)نے ذوالفقار اے قادر (سندھ) کو0-4،محمد سجاد (این بی پی)نے سلطان محمد (سندھ) کو2-4،عبدالجاوید (اسلام اباد) نے علی رضا (سندھ) کو 1-4، سید حسنین اختر (سندھ) نے آصف ٹوبہ (پنجاب)کو2-4 سے شکست دی۔
