• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نجی اسکولوں نے محکمہ تعلیم کے 9 بجے اسکول کھولنے کے احکامات ہوا میں اڑا دیئے

آج کا اخبار
اہم خبریں
28 جنوری ، 2026
کراچی( اسٹاف رپورٹر) سندھ میں بیکن ہاؤس اسکولنگ سسٹم اور دیگر کچھ اسکولوں نے سردیوں میں محکمہ تعلیم کے 9 بجے اسکول کھولنے کے احکامات ہوا میں اڑا دیئے ہیں اور محکمہ تعلیم کی رآت کو چلینج کردیا ہے۔ شدید سردی میں انھیں صبح 8 بجے سے قبل زبردستی اسکول بلایا جارہا ہے جب کہ تاخیر سے پہچنے والے طلبہ کو اسکول میں داخل نہیں ہونے دیا جاتا ہے جس کی وجہ سے ان کی چھٹی ہورہی ہے۔ یاد رہے محمکہ اسکول ایجوکیشن سندھ سردی کے سبب اسکول صبح 9 بجے شروع کرنے کے فیصلہ میں توسیع کردی تھی اور اعلان کیا تھا سردی کے پیش نظر اسکول 4 فروری تک صبح 9 کھلیں گے، فیصلہ کا اطلاق سرکاری و نجی اسکولز پر یکساں ہوگا جس کا باقاعدہ نوٹفکیشن جاری کردیا گیا تھا تاہم بیکن ہاؤس گروپ کے اسکولوں نے اس پر عمل نہیں کیا۔ بیکن ہاؤس کے زمہ دار عارف جلیل سے متعدد بار رابطہ اور وٹس اپ کیا مگر انھوں نے جواب نہیں دیا۔ ایڈشنل ڈائریکٹر پروفیسر رفیعہ ملاح نے بتایا کہ بیکن ہاؤس انتظامیہ سے بات ہوگئی ہے اور انھیں سختی سے ہدایت کی گئی ہے وہ نوٹفکیشن کے مطابق سردی میں 9 بجے اسکول کھولیں اگر انھوں نے ایسا نہ کیا تو ایکشن لیا جائے گا۔ رفیعہ ملاح کے مطابق بیکن ہاؤس انتظامیہ نے بدھ سے اسکول 9 بجے کھولنے کی یقین دھانی کرائی ہے۔
اہم خبریں سے مزید