• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

قاسم خان کا بیان معاشی استحکام کونقصان پہنچانے کی کوشش ہے،اسراراللہ خان

میرا شہر
پشاور
27 مارچ ، 2026
پشاور(جنگ نیوز)ممتاز سیاسی شخصیت اور مسلم لیگ (ن) خیبر پختونخوا کے جوائنٹ سیکریٹری اسرار اللہ خان نے پی ٹی آئی کے بانی کے بیٹے قاسم خان کے حالیہ بیان کی شدید مذمت کرتے ہوئے اسے پاکستان کے قومی مفادات اور معاشی استحکام کو نقصان پہنچانے کی دانستہ کوشش قرار دیا ہے۔میڈیا سے گفتگوکرتے ہوئے، اسرار اللہ خان نے قاسم خان کی جانب سے یورپی یونین اور اقوام متحدہ کی انسانی حقوق کونسل (یو این ایچ آر سی) سے پاکستان کی جی ایس پی پلس اسٹیٹس کو منسوخ کرنے کی اپیل پر تنقید کی۔ انہوں نے اس اقدام کو "معاشی تخریب کاری" کی واضح کارروائی قرار دیا جو ملک کی محنت سے کمائی گئی بحالی کو پٹڑی سے اتارنے اور لاکھوں کارکنوں کی روزی روٹی کو نشانہ بنانے کے لیے ڈیزائن کیا گیا تھا۔ اسرار اللہ خان نے کہا کہ یہ اقدام ملک کو معاشی طور پر سبوتاژ کرنے کے مترادف ہے۔ قاسم خان کے الزامات مکمل طور پر بے بنیاد ہیں۔ ہم وفاقی حکومت سے مطالبہ کرتے ہیں کہ عالمی برادری اور یورپ کو سیاسی طور پر ان الزامات کی کھوکھلی نوعیت سے آگاہ کرنے کے لیے فوری اقدامات کیے جائیں۔ انہوں نے کہا کہ پاکستان کا عالمی سطح پر بڑھتا ہوا قد اور شہباز حکومت کے تحت اس کی معاشی تبدیلی ایسی چیز ہے جسے سیاسی مخالفین کو ہضم کرنا مشکل ہے۔
پشاور سے مزید