• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لبنان واشنگٹن میں طے اسرائیل سے ملاقات منسوخ کردے، حزب اللہ

آج کا اخبار
اہم خبریں
14 اپریل ، 2026
بیروت (اے ایف پی) حزب اللہ کے سربراہ نعیم قاسم نے پیر کے روز لبنان پر زور دیا کہ وہ اگلے دن واشنگٹن میں اسرائیل کے ساتھ ہونے والی طے شدہ ملاقات کو منسوخ کر دے۔ انہوں نے اپنے دشمن کے ساتھ براہِ راست مذاکرات کو مسترد کرنے کے اپنی تنظیم کے موقف کا ایک بار پھر اعادہ کیا۔ حزب اللہ کے سربراہ نعیم قاسم، جن کی ایران نواز تنظیم 2 مارچ سے اسرائیل کے ساتھ برسرِ پیکار ہے، نے ایک ٹیلی ویژن خطاب میں کہا: ’’ہم غاصب صہیونی ریاست کے ساتھ مذاکرات کو مسترد کرتے ہیں۔ ہم مطالبہ کرتے ہیں کہ مذاکرات کے اس اجلاس کو منسوخ کر کے ایک تاریخی اور جرات مندانہ موقف اختیار کیا جائے۔‘‘ امریکہ میں تعینات لبنان اور اسرائیل کے سفراء کے درمیان منگل کے روز واشنگٹن میں ملاقات طے ہے، جس میں دونوں ممالک کے درمیان براہ راست مذاکرات کے انعقاد پر تبادلہ خیال کیا جائے گا۔
اہم خبریں سے مزید