فرمان الہی
نماز کے اوقات
اسلام آباد (رپورٹ: حنیف خالد)ایف بی آر میں بڑے پیمانے پر تقرریاں اور تبادلے، 14 کسٹمز افسران کے عہدے تبدیل، وفاقی حکومت کے ریونیو ڈویژن، فیڈرل بورڈ آف ریونیو (ایف بی آر) نے ایک اہم تقرری و تبادلے کا نوٹیفکیشن جاری کیا ہے۔
نوٹیفکیشن نمبر 0273-IR-I/2025 کے مطابق، مسٹر احسن رضا چوہدری، جو کہ ان لینڈ ریونیو سروس کے بی ایس-20کے افسر ہیں اور اس وقت کسی پوسٹنگ کے منتظر تھے، کو فوری طور پر کمشنر-انکم ٹیکس (چناب زون)، ریجنل ٹیکس آفس، فیصل آباد تعینات کر دیا گیا ہے، اور یہ تعیناتی تاحکمِ ثانی نافذ العمل رہے گی۔
مزید برآں، نوٹیفکیشن میں واضح کیا گیا ہے کہ اگر مذکورہ افسر اس نوٹیفکیشن کے اجراء سے قبل پرفارمنس الاؤنس حاصل کر رہے تھے، تو وہ اسے اپنی نئی تعیناتی پر بھی بدستور وصول کرتے رہیں گے۔
ایف بی آر کی جانب سے یہ ہدایت بھی دی گئی ہے کہ احسن رضا چوہدری چارج سنبھالنے یا چھوڑنے کے فوراً بعد ایف بی آر کو چارج ریلنکوشمنٹ/اسمپشن رپورٹ بھیجیں تاکہ ریکارڈ اور مزید ضروری کارروائی مکمل کی جا سکے۔
