فرمان الہی
نماز کے اوقات
اسلام آباد( رپورٹ ، تنویر ہاشمی ) رواں مالی سال پاکستان میں غربت کی شرح بڑھ کر 42.4 فیصد تک رہنے کا امکان ہےاور مزید 19لاکھ افراد غربت کا شکار ہونگے ، دیہی علاقوں میں تقریباً ایک کروڑ افراد غذائی عدم تحفظ کا شکار ہو سکتے ہیں ، عالمی بینک کی پاکستان سے متعلق پاورٹی اینڈ ایکویٹی رپورٹ اورڈویلپمنٹ اپ ڈیٹ رپورٹ کے مطابق پاکستانی معیشت مستحکم ہے ، رواں مالی سال پاکستان کی اقتصادی شرح نمو 2.7فیصد رہنے کا امکان ہے، رپورٹ کے مطابق پاکستان میں شہری علاقوں میں غربت کی شرح 22.8فیصد،د یہی علاقوں میں 49.6فیصدہے،سرکاری سطح پر غربت کی شرح مختلف ہے اوررواں برس 25.4فیصد شرح ہےاور آئندہ مالی سال غربت کی شرح 24.8فیصد ہونے کا امکان ہے، رپورٹ کے مطابق صنعت اور خدمات کے شعبوں نے رواں مالی سال کی پہلی ششماہی میں تنزلی رہی جبکہ مہنگائی میں کمی کے باوجود لوگوں کی قوت خرید میں کمی واقع ہو رہی ہے۔
