فرمان الہی
نماز کے اوقات
کراچی( افضل ندیم ڈوگر) بھارتی حکومت میں پاک فوج کا خوف ہے یا کوئی خفیہ منصوبہ بندی کی جا رہی ہے کہ سیز فائر کے باوجود بھارت نے ایک ہفتے سے بند اپنے20ایئرپورٹ کا فلائٹ آپریشن بحال نہیں کیا۔ یہاں کی لگ بھگ 300 پروازیں مسلسل منسوخ ہیں اور ان ایئرپورٹس سے تمام طیارے بھی ہٹا دیے گئے ہیں۔امرتسر، سری نگر، جموں، لداخ، دھرم شالا، شملہ، آدم پور چندی گڑھ کی تمام پروازیں منسوخ ،کاشان گڑھ، راجکوٹ ہیراسر ایئرپورٹ کا فلائٹ اپریشن اتوار کو چھٹے روز بھی معطل رہا، ذرائع کے مطابق لاہور کے قریبی بھارت کے امرتسر ایئرپورٹ سے روزانہ 123 پروازیں آپریٹ ہوتی ہیں مگر تمام منسوخ ہیں اور ایک سیسنا طیارہ موجود ہے۔ 6 دن سے بند سری نگر ایئرپورٹ سے روزانہ کی 65 پروازیں منسوخ ہیں وہاں کوئی طیارہ بھی موجود نہیں۔ لداخ کے لیح کوشک ایئرپورٹ سے یومیہ کی 30 پروازیں منسوخ ہیں۔ جموں کی 30 پروازیں منسوخ ہیں اور تمام طیارے ہٹا لیے گئے ہیں۔ دھرمشالہ ایئرپورٹ 14 پروازیں اپریٹ ہوتی ہیں پنجاب سول ایوی ایشن کا ایک گلوبل رینجر جہاز موجود ہے۔ چندریگڑھ ایئرپورٹ پر 70 پروازیں یومیہ اپریٹ ہوتی ہیں جہاں 4 چھوٹے جہاز کھڑے ہیں۔ جودھ پور ایئرپورٹ سے روزانہ 18 سے 20 پروازیں آپریٹ ہوتی ہیں اب ایک 505 جیٹ رینجر ایکس طیارہ موجود ہے۔ راجکوٹ ہیراسر ایئرپورٹ 20 پروازیں آپریٹ ہوتی ہیں وہاں پر کئی دن سے انڈیا کی کسی ایئر لائن کا کوئی جہاز نہیں۔ گجرات کے بھوج ایئرپورٹ سے روانہ 10 پروازیں چلائی جاتی ہیں اب کوئی جہاز نہیں۔ کلو بونٹر 5 سے 6 پروازیں اپریٹ ہوتی ہیں مگر کوئی طیارہ موجود نہیں۔ جالندھر کا آدم پور ایئرپورٹ 2 پروازیں اپریٹ ہوتی ہیں کوئی طیارہ موجود نہیں۔ شملہ کی یومیہ 4 پروازیں منسوخ ہیں جہاں ایک طیارہ اور ایک ہیلی کاپٹر موجود ہے۔ لدھیانہ ایئرپورٹ سے 2 پروازیں اپریٹ ہوتی ہیں۔ اب کوئی طیارہ موجود نہیں۔ بٹھنڈا ایئرپورٹ پر 4 پروازیں اپریٹ ہوتی ہیں۔ سہارن کی پروازیں منسوخ اور وہاں 4 طیارے موجود ہیں۔ رحیم یارخان کے قریبی بیکانیر نال ایئرپورٹ سے روزانہ 2 سے 4 پروازیں اپریٹ ہوتی ہیں۔ اب یہاں 4 دن سے انڈین ایئر فورس کا لاک ہیڈ میریٹن سی 130 جے 30 ہر کولیس طیارہ موجود ہے۔ کشن گڑھ ایئرپورٹ سے روزانہ اندرون ملک کی 10 پروازیں اپریٹ ہوتی ہیں اب وہاں ایویانا ایوی ایشن اکیڈمی کے 6 پائپر آرچر طیارے 3 دن سے کھڑے ہیں۔ سکھر اور میرپور خاص کے قریبی بھارت کے جیسل میر ایئرپورٹ پر بھی کوئی طیارہ موجود نہیں۔ ہریانہ کے مہاراجہ اگرسین ایئرپورٹ حصار سے یومیہ 4 پروازیں آپریٹ کی جاتی ہیں اب کوئی طیارہ موجود نہیں۔ بٹھنڈا ایئرپورٹ سے یومیہ 4 پروازیں منسوخ ہیں. 4 دن سے فلائی بگ ایئر کا ایک وکنگ طیارہ موجود ہے۔ کاندھلا ایئرپورٹ کیلئے یومیہ 2 پروازیں آپریٹ ہوتی ہیں وہاں کے سپائس جیٹ ایئر کے طیارے کے گوا منتقل کردیا گیا۔ گجرات کے جام نگر ایئرپورٹ کیلئے ممبئی سے روزانہ دو پروازیں آپریٹ ہوتی ہیں اب خالی ہے۔ کیشود ایئرپورٹ پر 4 پروازیں منسوخ ہیں۔ پور بندر اور راج کوٹ ایئرپورٹ پر کوئی طیارہ موجود نہیں۔
