• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بچوں کی اسمگلنگ کا مقدمہ، این جی او کی سربراہ عدالتی ریمانڈ پر جیل روانہ

آج کا اخبار
ملک بھر سے
06 اگست ، 2025
کراچی (اسٹاف رپورٹر) جوڈیشل مجسٹریٹ جنوبی نے بچوں کی غیر قانونی اسمگلنگ کے مقدمے میں این جی او کی سربراہ کو عدالتی ریمانڈ پر جیل بھیج دیا ہے۔ جوڈیشل مجسٹریٹ جنوبی کی عدالت میں ایف آئی اے نے بچوں کی غیر قانونی اسمگلنگ کے الزام میں گرفتار این جی او کی چیئرپرسن مبینا قاسم کو عدالت میں پیش کیا۔ عدالت نے ابتدائی سماعت کے بعد ملزمہ کو عدالتی ریمانڈ پر جیل بھیج دیا اور تفتیشی افسر سے آئندہ سماعت پر کیس کا چالان طلب کر لیا۔ ایف آئی اے کے مطابق این جی او ایک فلاحی تنظیم کے طور پر کام کر رہی تھی تاہم حقیقت میں یہ تنظیم کم عمر بچوں کو گود لینے کی آڑ میں مبینہ طور پر بیرون ملک اسمگل کرنے میں ملوث پائی گئی۔ ایف آئی اے کے تفتیشی افسر نے عدالت کو بتایا کہ اس معاملے کی تحقیقات امریکی قونصلیٹ کراچی کی شکایت پر شروع کی گئیں جس کے بعد این جی او کے خلاف باقاعدہ مقدمہ درج کیا گیا۔ ایف آئی اے کے مطابق ملزمہ مبینا قاسم نے سال 2006 سے 2011 کے درمیان کم از کم 23 بچوں کو امریکہ، کینیڈا اور برطانیہ کے مختلف خاندانوں کے حوالے کیا۔
ملک بھر سے سے مزید