فرمان الہی
نماز کے اوقات
اسلام آباد (مہتاب حیدر)2022کے سیلاب کے فنڈز، احسن اقبال نے ناکامی کا دعویٰ مسترد کر دیا اور کہا کہ یہ منصوبے عملدرآمد کے مرحلے میں ہیں اور مقررہ مدت کے اندر مکمل کر لیے جائیں گے۔سندھ اور بلوچستان میں تعمیر نو کے تمام منصوبے منظور ہو چکے ، 6.32 ارب ڈالر کی رقم تین سال میں استعمال کی جائے گی، وفاقی وزیر برائے منصوبہ بندی احسن اقبال نے پیر کے روز اس دعوے کو مسترد کر دیا کہ اسلام آباد 2022 کے سیلابوں کے لیے بین الاقوامی عطیہ دہندگان سے 10.9 ارب ڈالر حاصل کرنے میں ناکام رہا ہے انہوں نے کہا کہ سندھ اور بلوچستان میں تعمیر نو کے تمام منصوبے منظور ہو چکے ، 6.32 ارب ڈالر کی رقم تین سال میں استعمال کی جائے گی۔ انہوں نے وضاحت کی کہ یہ منصوبے عملدرآمد کے مرحلے میں ہیں اور مقررہ مدت کے اندر مکمل کر لیے جائیں گے۔ جب وزیر برائے منصوبہ بندی کی توجہ وزیر خزانہ محمد اورنگزیب کے اُس بیان کی طرف دلائی گئی، جس میں کہا گیا تھا کہ اسلام آباد 2022 کے شدید سیلاب کے بعد قابلِ سرمایہ کاری منصوبے پیش کرنے میں ناکام رہا، تو احسن اقبال نے اس دعوے کو مسترد کر دیا۔ انہوں نے کہا کہ تمام منصوبے سندھ اور بلوچستان میں بحالی کے لیے منظور کیے جا چکے ہیں، اور کل 6.32 ارب ڈالر کی رقم تین سالہ مدت میں استعمال کی جائے گی۔ پیر کے روز پی بلاک میں ماہانہ ترقیاتی رپورٹ کے اجرا کے موقع پر ایک پریس کانفرنس سے خطاب کرتے ہوئے وزیر منصوبہ بندی نے کہا کہ پاکستان اور چین نے باہمی اتفاق رائے سے مین لائن (ایم ایل-1) منصوبے کی مالی معاونت کے لیے کثیرالملکی عطیہ دہندگان کی شمولیت پر رضامندی ظاہر کی ہے۔
