فرمان الہی
نماز کے اوقات
کراچی (نیوز ڈیسک)افغان فورسز کی جانب سے پاکستان کے سرحدی علاقوں پر بلا اشتعال فائرنگ ، پاک فوج کا بھر پور جواب ، بھاری جانی نقصان کے بعد طالبان چیک پوسٹیں اور لاشیں چھوڑ کر فرار ہوگئے، پاک فوج نے افغانستان کے اندر سرحدی علاقوں میں داعش اور خوارج کے ٹھکانوں پرحملے کئے ہیں ، سیکورٹی ذرائع کے مطابق حملوں میں فضائیہ اور توپخانے کا بھی استعمال کیا گیا ، حملوں میں کئی افغان فوجی اور خوارج ہلاک ہوگئے، سیکورٹی ذرائع کے مطابق افغان فورسز نے پاک افغان بارڈر پر انگور اڈا، باجوڑ، کرم، دیر، چترال، اور بارام چاہ (بلوچستان) کے مقامات پر بِلا اشتعال فائرنگ کی، فائرنگ کا مقصد خوارج کی تشکیلوں کو بارڈر پار کروانا بھی تھا۔ سیکورٹی ذرائع پاکستان فوج کی چوکس اور مستعد پوسٹوں کی جانب سے تیزی کے ساتھ بھرپور اور شدید جواب دیا گیا جو اب بھی جاری ہے، سیکورٹی ذرائع کے مطابق پاک فوج نے فوری طور پر شدید رد عمل دیتے ہوئے متعدد افغان چیک پوسٹوں کو مؤثر طریقے سے نشانہ بنایا، سیکورٹی ذرائع نے بتایا کہ پاکستان کی بروقت کاروائی سے افغانستان کی متعدد بارڈر پوسٹیں تباہ اور درجنوں افغان فوجی اور خارجی ہلاک ہوگئے،طالبان اپنی متعدد پوسٹیں چھوڑ کر فرار ہوگئے، لاشیں بکھری ہوئی ہیں ۔سیکورٹی ذرائع کے حوالے سے مزید رپورٹ کیا کہ پاکستانی فورسز کی جانب سے مؤثر اور شدید جوابی کارروائی کے دوران متعدد افغان فوجی ہلاک اور خارجی تشکیلیں تتر بتر ہو گئیں۔سیکورٹی ذرائع نے بتایا کہ پاک فوج نے فوری طور پر شدید ردعمل دیتے ہوئے متعدد افغان پوسٹوں کو مؤثر طریقے سے نشانہ بنایا، اس بروقت کارروائی میں افغانستان کی متعدد سرحدی پوسٹیں تباہ اور درجنوں افغان فوجی اور خارجی ہلاک کر دیے گئے۔تازہ ترین اطلاعات کے مطابق سیکورٹی ذرائع نے بتایا کہ پاکستان اس وقت افغانستان میں پاک افغان سرحد کے قریب موجود خوارج اور داعش کے دہشت گرد کیمپوں اور ٹھکانوں کو بھی انتہائی مہارت سے نشانہ بنا رہا ہے۔ذرائع کا مزید کہنا تھا کہ افغان فورسز کئی علاقوں سے پسپائی اختیار کر چکی ہیں، پاکستان کی طرف سے مؤثر اور شدید جوابی کارروائی کا سلسلہ جاری ہے۔
