فرمان الہی
نماز کے اوقات
اسلام آباد ( نمائندہ خصوصی) بھارت کی خفیہ ایجنسی را کی جانب سے پاکستانی مچھیرے کو اپنے لیے کام پر آمادہ کرنے کا انکشاف ہوا۔آپریشن سندور کی ناکامی کے بعد بھارت نے مس اور ڈس انفارمیشن مہم شروع کی،وفاقی وزراء، اعجاز ملاح کو ٹاسک دے کر پاکستان بھیجا، ملزم کے اعترافی بیان کے مطابق انڈین ایجنسیوں نےآرمی نیوی، رینجرز کی وردیاں، زونگ سم، پاکستانی سگریٹ ، کرنسی لانے کا کہا، خفیہ ایجنسی افسر کی تصاویر بھیجیں، تفصیلات کے مطابق وفاقی وزراء نے اسلام آباد میں مشترکہ پریس کانفرنس کی جہاں وزیراطلاعات عطا تارڑ نے کہا کہ آپریشن سندور کی ناکامی کے بعد بھارت نے مس انفارمیشن اور ڈس انفارمیشن مہم شروع کی ہے کیونکہ بھارت پاکستان کی معرکہ حق کی فتح کو ہضم نہیں کرسکا، اسی لیے بھارتی خفیہ ایجنسی نے پاکستانی مچھیرے کو پیسوں کا لالچ دے کر اپنے لیے کام کرنے پر آمادہ کیا، بھارت نے اعجاز ملاح نامی مچھیرے کو گرفتار کیا، انڈین انٹیلیجنس ایجنسیوں نے اعجاز ملاح کو ٹاسک دے کر پاکستان بھیجا، اعجاز ملاح نے آرمی رینجزز اور نیوی کے یونیفارم خریدنے تھے تو پاکستان نے سرویلنس کی، اعجاز ملاح کو گرفتار کیا تو انہوں نے ان تمام باتوں کا اعتراف کرلیا۔اس موقع پر وزیر اطلاعات و نشریات عطا تارڑ نے اعجاز ملاح کا اعترافی بیان بھی چلایا جس میں اس نے بتایا کہ ہم مچھلی مارنے گئے تو بھارت نے ہمیں پکڑ لیا، انہوں نے کہا آرمی نیوی اور رینجرز کی وردیاں لینی ہیں، زونگ سم، پاکستانی سیگریٹ اور کرنسی لانے کا کہا اس کے بعد بھارتی خفیہ ایجنسی نے مجھے رہا کردیا، میں نے خفیہ ایجنسی کے افسر کی کچھ تصاویر بھیجیں، پھر میں جب دوبارہ سمندر میں گیا تو پاکستان ایجنسی نے مجھے پکڑلیا۔پریس کانفرنس میں وزیر مملکت برائے داخلہ طلال چوہدری نے کہا کہ یہ بھارت کا پراپیگنڈہ آپریشن ہے جو ایکسپوز ہوا ہے، پاکستان میڈیا نے جنگ میں انفارمیشن کی جنگ جیتی، اعجاز ملاح کو ستمبر کے مہینے میں بھارتی کوسٹ گارڈ نے گرفتار کیا، بھارت کی طرف سے اعجاز ملاح کو پیسوں کا لالچ دیا گیا۔
