• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سید فخر جہان نے وزارت ایکسائز، ٹیکسیشن و نارکوٹکس کنٹرول کا چارج سنبھال لیا

میرا شہر
پشاور
04 نومبر ، 2025
پشاور (خصوصی نامہ نگار) خیبرپختونخوا کے صوبائی وزیر سید فخر جہان نے باضابطہ طور پر محکمہ ایکسائز، ٹیکسیشن و نارکوٹکس کنٹرول کی وزارت کا چارج سنبھال لیا۔چارج سنبھالنے کے موقع پر اظہارِ خیال کرتے ہوئے صوبائی وزیر نے پاکستان تحریک انصاف کے بانی چیئرمین عمران خان اور وزیراعلیٰ خیبرپختونخوا محمد سہیل آفریدی کا شکریہ ادا کرتے ہوئے کہا کہ کابینہ میں دوبارہ بطور وزیر شامل کیا جانا پارٹی کےکارکنان اور بونیر کے عوام کے لئے باعثِ فخر ہے۔انہوں نے کہا کہ گزشتہ وزارت میں انہوں نے کھیل اور امورِ نوجوانان کے شعبے میں ایک جذبے اور عزم کے ساتھ کام کیا تھا اور اپنی کارکردگی کے ذریعے عوام کا اعتماد حاصل کیاتھا، اب وہ ایکسائز و ٹیکسیشن اور نارکوٹکس کنٹرول کے اہم شعبے میں اسی جوش و جذبے کے ساتھ اپنی نئی وزارت کی ذمہ داریاں سرانجام دیں گے تاکہ عوامی خدمت کا تسلسل برقرار رہے اور یہ شعبہ ترقی کی جانب گامزن ہو۔
پشاور سے مزید