فرمان الہی
نماز کے اوقات
کراچی( افضل ندیم ڈوگر) ایئر کرافٹ انجینئرز کی ہڑتال کے باوجود قومی ایئر لائن کا فلائٹ اپریشن تیسرے دن سنبھل گیا۔ لاہور سے کراچی اور کوئٹہ کی 3 پروازیں منسوخ کی گئیں۔ جبکہ ملک بھر کی مجموعی طور پر 89 پروازوں کی امد اور روانگی میں تاخیر ہوئی۔ مختلف ایئرپورٹس اور قومی ایئر لائن کی پروازوں میں تاخیر کا دورانیہ 13 گھنٹے تک رپورٹ ہوا۔ اسلام اباد ایئرپورٹ کی 26 پروازوں میں 1 سے 12 گھنٹے تک کی تاخیر ہوئی۔ ملتان فیصل اباد سیالکوٹ پشاور اور اسکردو ایئرپورٹس کی 25 پروازیں تاخیر کا شکار ہوئیں۔ لاہور ایئرپورٹ کی 27 پروازوں میں 1 سے 13 گھنٹے کی تاخیر رپورٹ ہوئی۔ کراچی ایئرپورٹ کی 11 پروازوں میں تاخیر کا دورانیہ ساڑھے 11 گھنٹے تک رپورٹ ہوا۔
