فرمان الہی
نماز کے اوقات
واشنگٹن (جنگ نیوز) ٹرمپ کا تھرڈ ورلڈ ممالک سے امیگریشن مستقل طور پر منجمد کرنے کا اعلان، نیشنل گارڈ پر حملے کے بعد امیگریشن پالیسی مزید سخت، غیر شہریوں کے تمام وفاقی فوائد ختم کرنے کی تیاری، ریورس مائیگریشن کے ذریعے غیر قانونی آبادی کم، داخلی سکون متاثر کرنیوالوں کی شہریت منسوخ اور ملک بدر کیا جائیگا۔ افغان حملہ آور بائیڈن پروگرام پر داخل ہوا، سیاسی تنازع شدید، بائیڈن دور کے تمام اسائلم و گرین کارڈ کیسز پر نظرِ ثانی شروع کردی گئی۔ ٹرمپ انتظامیہ ممالک سے امریکہ ہجرت کرنے والے افراد۔ کے گرین کارڈز کی دوبارہ جانچ ہوگی، افغانستان، کیوبا، ہیٹی، ایران، صومالیہ، وینزویلا شامل، برطانوی خبر رساں ادارے کے مطابق امریکی صدر ڈونلڈ ٹرمپ نے وائٹ ہاؤس کے قریب نیشنل گارڈ پر حملے کے بعد اعلان کیا ہے کہ امریکہ تمام تھرڈ ورلڈ ممالک سے امیگریشن کو مستقل طور پر روک دے گا اور سابق صدر بائیڈن کے دور میں منظور شدہ کیسز بھی ختم کر دیے جائیں گے۔ ٹرمپ نے کہا کہ غیر شہریوں کے تمام وفاقی فوائد ختم کیے جائیں گے، ایسے تارکینِ وطن کو شہریت سے محروم کیا جائے گا جو داخلی سکون کو متاثر کرتے ہیں اور جو افراد امریکہ کیلئے بوجھ یا سیکیورٹی رسک ہونگے انہیں ملک بدر کیا جائے گا۔ حملے میں ملوث افغان شہری 2021میں بائیڈن کے قائم کردہ ری سیٹلمنٹ پروگرام کے تحت امریکہ آیا تھا، جس سے ٹرمپ نے لاکھوں افراد کی غیر جانبدارانہ آمد کا الزام جوڑا۔
