فرمان الہی
نماز کے اوقات
کراچی ( ثاقب صغیر )واٹس ایپ ہیک ہونے کی صورت میں ایمرجنسی پروٹوکول کیا ہونا چاہیے ،این سی سی آئی اے نے صارفین کو آگاہ کر دیا نیشنل سائبر کرائم انویسٹیگیشن ایجنسی حکام کے مطابق اگر آپ کا واٹس ایپ ہیک ہو جائے اور آپ اپنے اکاؤنٹ تک رسائی کھو دیتے ہیں یا آپ کو شک ہے کہ کوئی اور اسے استعمال کر رہا ہے تو فوراً دوبارہ رجسٹر (Re-Register) کریں ،واٹس ایپ کو ان انسٹال (Uninstall) کر کے دوبارہ انسٹال کریں۔لاگ ان کرنے کے لیے اپنا فون نمبر درج کریں۔آپ کو ایس ایم ایس کے ذریعے 6 ہندسوں کا کوڈ موصول ہوگا اسے فوراً درج کریں۔حکام کے مطابق کوڈ کا فائدہ یہ ہو گا کہ کوڈ درج کرتے ہی ہیکر کے موبائل سے آپ کا واٹس ایپ فوراً لاگ آئوٹ ہو جائے گا کیونکہ واٹس ایپ ایک وقت میں صرف ایک موبائل پر ایکٹیو رہ سکتا ہے۔ حکام کے مطابق اگر ہیکر نے "Two-Step Verification" آن کر دی ہے اور آپ کو PIN نہیں معلوم تو واٹس ایپ آپ کو 7 دن انتظار کرنے کا کہہ سکتا ہے۔حکام کا کہنا ہے کہ سات روز کے انتظار سے بالکل پریشان نہ ہوں۔ جب تک آپ نے SMS کوڈ (اسٹیپ 1) درج کر دیا ہے، ہیکر لاگ آئوٹ ہو چکا ہے۔ اس انتظار کے دوران کوئی بھی آپ کا اکاؤنٹ استعمال نہیں کر سکتا اور نہ ہی پیغامات پڑھ سکتا ہے۔حکام کے مطابق اگر آپ نے پہلے ای میل ایڈریس لنک کیا ہوا تھا، تو "Forgot PIN" پر کلک کریں اور انتظار کیے بغیر فوراً اپنا PIN ری سیٹ کریں۔
