• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گیس کی کمی، CNG سیکٹر کو فراہمی بند، بجلی کی پیداوار متاثر ہونیکا خدشہ

آج کا اخبار
اہم خبریں
31 مارچ ، 2026
اسلام آباد (این این آئی)گیس کی کمی کے باعث ملک میں سی این جی سیکٹر کو فراہمی بند اور بجلی کی پیداوار متاثر ہونے کا خدشہ پیدا ہوگیا۔ذرائع کے مطابق آئندہ ماہ (اپریل) سے ملک بھر کے پاور پلانٹس کو صرف 80ایم ایم سی ایف ڈی گیس دستیاب ہوگی، جس کے باعث بجلی کی پیداوار متاثر ہونے کا خدشہ پیدا ہو گیا ہے۔ذرائع نے بتایا کہ مارچ میں ملنے والی 150 ایم ایم سی ایف ڈی گیس اور ایل این جی کی فراہمی بند ہو جائے گی۔ سی این جی سیکٹر کے لیے بھی گیس مکمل طور پر بند کیے جانے کا امکان ہے۔پاور سیکٹر کو 25 سے 30 ایم ایم سی ایف ڈی گیس منتقل کی جائے گی اور فرٹیلائزر سیکٹر کی گیس بھی ممکنہ طور پر بجلی کی پیداوار کے لیے مختص کی جا سکتی ہے۔ ذرائع کے مطابق کوئلے سے پیدا ہونے والی 1500سے 1800 میگاواٹ بجلی کی پیداوار بھی خطرے میں پڑ گئی ہے جسکے نتیجے میں 10سے 15فیصد بجلی پیداوار متاثر ہونے کا خدشہ ہے۔
اہم خبریں سے مزید