فرمان الہی
نماز کے اوقات
کراچی( سید محمد عسکری) سندھ میں تعلیمی بورڈز کے چیرمین کی کنٹرولنگ اتھارٹی تبدیل کرکے وزیر اعلیٰ سندھ کو منتقل کردی گئی ہے جب کہ بورڈز کے کنٹرولر، سکریٹری، آڈٹ افسر اور دیگر افسران کی کنٹرولنگ اتھارٹی وزیر بورڈز و جامعات کے ماتحت ہی برقرار رہے گی۔ چیئرمین کی کنٹرولنگ اتھارٹی کی تبدیلی کے بعد میٹرک بورڈ کراچی کے چیرمین غلام حسین سہو اور حیدرآباد بورڈ کے چیرمین شجاع احمد میہسر کے استعفے منظوری کے لیے اب وزیراعلی سندھ کو بھیج دیئے گئے ہیں۔ کنٹرولنگ اتھارٹی کی تبدیلی کی منظوری صوبائی کابینہ کے اجلاس میں دی گئی تھی۔ زرائع کے مطابق وزیر اعلی سندھ دونوں چئیرمین بورڈز کے استعفی کی وجوہات کا باریک بینی سے جائزہ لینے کے بعد منظور کرنے یا نہ کرنے کا فیصلہ کریں گے۔
