فرمان الہی
نماز کے اوقات
کراچی( اسٹاف رپورٹر) امیر جماعت اسلامی کراچی منعم ظفر خان نے مسلح ڈکیتی و اسٹریٹ کرائمز کی وارداتوں میں مزاحمت کے دوران ڈاکوؤں کی فائرنگ سے جاں بحق ہونے والے اورنگی ٹاؤن کے 32سالہ کاشف احمد اور شادمان ٹاؤن کے 22سالہ انس شکیل کے گھر جاکر اہل خانہ و لواحقین سے علیحدہ علیحدہ ملاقاتیں کیں اور اظہار تعزیت کیا،منعم ظفر خان نے گفتگو کرتے ہوئے شہر میں بڑھتی ہوئی وارداتوں اور شہریوں کے تحفظ میں ناکامی پر سندھ حکومت اور محکمہ پولیس کی نااہلی وناقص کاکردگی کی شدید مذمت کی اور کہا کہ جماعت اسلامی مرحومین کے اہلخانہ کے ساتھ ہے، آئینی،جمہوری اور قانونی طریقے سے انصاف دلوائیں گے،کاشف احمد کے یتیم بچوں کے تعلیمی اخراجات کے لیے الخدمت کے تحت انتظام کیا جائے گا،ہمارا مطالبہ ہے کہ شہر میں امن و امان اور ڈاکوؤں سے نجات کے لیے پولیس میں موجود کالی بھیڑوں کا صفایا اور محکمہ پولیس میں کراچی کے مقامی افراد کو بھرتی کیا جائے۔
