• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ضلعی انتظامیہ کا گھر گھر ڈینگی لاروا تلفی مہم تیزکرنے کا فیصلہ

میرا شہر
ملتان
04 اپریل ، 2026
ملتان (سٹاف رپورٹر) بدلتے موسم کے پیش نظر ضلعی انتظامیہ کا گھر گھر ڈینگی لاروا تلفی کی مہم کو تیز کرنے کا فیصلہ، اس سلسلے میں ایڈیشنل ڈپٹی کمشنر جنرل راشد اقبال کی زیر صدارت اجلاس منعقد ہوا جس میں محکمہ صحت کو گھر گھر سرویلنس تیز کرنے کا ٹاسک دیا گیا اور ہاٹ سپاٹس کی کڑی مانیٹرنگ کی ہدایت کی گئی، اجلاس میں شہریوں میں صفائی اور احتیاطی تدابیر سے متعلق آگاہی کیلئے خصوصی مہم چلانے کا فیصلہ بھی کیا گیا جبکہ ڈینگی کے تدارک کیلئے تمام متعلقہ محکموں کو مربوط حکمت عملی اپنانے اور فیلڈ سرگرمیاں تیز کرنے کا حکم دیا گیا، ایڈیشنل ڈپٹی کمشنر جنرل راشد اقبال نے شہریوں سے اپیل کی کہ وہ اپنے اردگرد صاف ماحول برقرار رکھیں اور کہیں بھی پانی کھڑا نہ ہونے دیں، انہوں نے واضح کیا کہ ابتر صفائی اور ڈینگی ایکٹ کی خلاف ورزی پر بھرپور ایکشن لیا جائے گا جبکہ ڈینگی لاروا ملنے پر کمرشل مقامات کو سربمہر بھی کیا جائے گا۔
ملتان سے مزید